നിയമസഭാ തിരഞ്ഞെടുപ്പ്: ആവശ്യ സര്‍വീസ് ജീവനക്കാര്‍ക്ക് പോസ്റ്റല്‍ ബാലറ്റ്

2021-03-10 16:40:35

തിരുവനന്തപുരം:നിയമസഭാ തിരഞ്ഞെടുപ്പ് വോട്ടിംഗ് ദിവസം ഡ്യൂട്ടിയുള്ള അവശ്യ സര്‍വീസ് ജീവനക്കാര്‍ക്ക് പോസ്റ്റല്‍ ബാലറ്റ് സംവിധാനം ഏര്‍പ്പെടുത്തിയെന്ന് മുഖ്യ തിരഞ്ഞെടുപ്പ് ഓഫീസര്‍ ടീക്കാറാം മീണ അറിയിച്ചു. ആരോഗ്യ വകുപ്പ്, പോലീസ്, ഫയര്‍ ഫോഴ്‌സ്, ജെയില്‍, എക്‌സൈസ്, മില്‍മ, ഇലക്ട്രിസിറ്റി, വാട്ടര്‍ അതോറിറ്റി, കെ,എസ്.ആര്‍.ടി.സി, ട്രഷറി, ഫോറസ്റ്റ്, ആള്‍ ഇന്ത്യ റേഡിയോ, ദൂരദര്‍ശന്‍, ബി.എസ്.എന്‍.എല്‍, റെയില്‍വെ, പോസ്റ്റ് ആന്റ് ടെലിഗ്രാഫ്, ഏവിയേഷന്‍ എന്നിവയും ആംബുലന്‍സ്, തിരഞ്ഞെടുപ്പ് കമ്മീഷന്‍ അംഗീകരിച്ചിട്ടുള്ള പത്ര പ്രവര്‍ത്തകര്‍, ഷിപ്പിംഗ് എന്നിവയാണ് അവശ്യ സര്‍വീസായി പ്രഖ്യാപിച്ചിട്ടുള്ളത്.

വോട്ടെടുപ്പ് ദിവസം ഡ്യൂട്ടിയുള്ള കേരളത്തിലെ വോട്ടര്‍ പട്ടികയില്‍ പേരുള്ള ജീവനക്കാര്‍ക്കാണ് പോസ്റ്റല്‍ വോട്ടിന് അര്‍ഹതയുള്ളത്. പോസ്റ്റല്‍ വോട്ടിനുള്ള അപേക്ഷ ഫോറം 12 ഡി പൂരിപ്പിച്ച് ബന്ധപ്പെട്ട വകുപ്പില്‍ നിയോഗിക്കുന്ന നോഡല്‍ ഓഫീസര്‍ പരിശോധിച്ച് ജീവനക്കാരന്‍ വോട്ടെടുപ്പ് ദിവസം ഡ്യൂട്ടിയിലാണെന്നുള്ള സര്‍ട്ടിഫിക്കറ്റ് സഹിതം മാര്‍ച്ച് 17 ന് മുന്‍പ് ബന്ധപ്പെട്ട റിട്ടേണിംഗ് ഓഫീസര്‍ക്ക് നല്‍കണം. ഫോറം 12 ഡി www.eci.gov.in ല്‍ ലഭിക്കും. വോട്ട് ചെയ്യുന്നതിനുള്ള കേന്ദ്രം, തിയതി, സമയം എന്നിവ ബന്ധപ്പെട്ട ജില്ലകളില്‍ നിന്ന് അര്‍ഹരായ വോട്ടര്‍മാരെ അറിയിക്കും. അര്‍ഹരായവര്‍ക്ക് വോട്ടെടുപ്പ് ദിവസത്തിന് മുമ്പ് വരെ വോട്ടിംഗ് കേന്ദ്രത്തിലെത്തി പോസ്റ്റല്‍ കൈപ്പറ്റി വോട്ട് രേഖപ്പടുത്തി അവിടെ തന്നെ തിരികെ ഏല്‍പ്പിക്കാം.    
    

അഭിപ്രായങ്ങൾ രേഖപ്പെടുത്തുന്നവർ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പര്‍ധ വളര്‍ത്തുന്നതുമായ പരാമർശങ്ങളും വ്യക്തിപരമായ അധിക്ഷേപങ്ങളും ഒഴിവാക്കുക. ഇത്തരം അഭിപ്രായങ്ങൾ സൈബർ നിയമപ്രകാരം ശിക്ഷാർഹം ആണ്. വായനക്കാരുടെ അഭിപ്രയങ്ങളിൽ വിശേഷത്തിനു യാതൊരുവിധ ഉത്തരവാദിത്തവും ഉണ്ടായിരിക്കുന്നതല്ല. ദയവായി നിങ്ങളുടെ അഭിപ്രായങ്ങൾ മലയാളത്തിലോ ഇംഗ്ലീഷിലോ മാത്രം രേഖപ്പെടുത്തുക. മംഗ്ലീഷ് ഒഴിവാക്കുക.