അവശ്യ സർവീസുകാരുടെ വോട്ടെടുപ്പ് 28 മുതൽ 30 വരെ

2021-03-27 16:15:09

എറണാകുളം: ജില്ലയിൽ അവശ്യ സർവീസുകാർക്കുള്ള വോട്ടെടുപ്പ് മാർച്ച് 28 മുതൽ 30 വരെ അതാത് നിയോജക മണ്ഡലങ്ങളിലെ തിരഞ്ഞെടുത്ത കേന്ദ്രങ്ങളിൽ നടക്കും. രാവിലെ 9 മുതൽ വൈകീട്ട് അഞ്ചുവരെയാണ് വോട്ടെടുപ്പ്. പോളിംഗ് ഡ്യൂട്ടിയില്ലാത്ത അവശ്യ സർവീസിൽ ഉൾപ്പെടുന്നവർക്കാണ് സെൻ്ററുകൾ സജ്ജമാക്കുന്നത്. തിരഞ്ഞെടുപ്പ് കമ്മീഷൻ്റെ പട്ടികയിലുള്ള 16 അവശ്യ സർവീസുകളിലെ ജീവനക്കാർക്കാണ് പ്രത്യേക സൗകര്യം ഏർപ്പെടുത്തുന്നത്.

ഇവർക്ക് പോസ്റ്റൽ ബാലറ്റ് വഴിയുള്ള വോട്ടെടുപ്പ് രീതിയാണ് ഉപയോഗപ്പെടുത്തുന്നത്. ആരോഗ്യ വകുപ്പ് , പോലീസ്, ഫയർ ഫോഴ്സ്, ജയിൽ, എക്സൈസ്, മിൽമ, ഇലക്ട്രിസിറ്റി, വാട്ടർ അതോറിറ്റി, കെ.എസ്.ആർ.ടി.സി, ട്രഷറി സർവീസ്, വനം വകുപ്പ് , കേന്ദ്ര സർക്കാർ സ്ഥാപനങ്ങളായ ആൾ ഇന്ത്യ റേഡിയോ, ദൂരദർശൻ, ബി.എസ്.എൻ.എൽ, റയിൽവേസ്, പോസ്റ്റൽ സർവീസ്, ടെലഗ്രാഫ് , ,ആംബുലൻസ് സർവീസ്, തിരഞ്ഞെടുപ്പ് റിപ്പോർട്ട് ചെയ്യുന്നതിനായി കമീഷൻ അംഗീകരിച്ചിട്ടുള്ള മാധ്യമ പ്രവർത്തകർ, ഏവിയേഷൻ , ഷിപ്പിംഗ് എന്നീ മേഖലകളിൽ ജോലി ചെയ്യുന്നവർക്കാണ് അവസരം. നേരത്തെ പോസ്റ്റൽ ബാലറ്റിന് അപേക്ഷ നൽകിയവർക്കാണ് വോട്ടിംഗ് സെൻ്ററിൽ വോട്ടു ചെയ്യാൻ അവസരം.

ജില്ലയിലെ പോസ്റ്റൽ വോട്ടിംഗ് സെൻ്ററുകൾ

പെരുമ്പാവൂർ – ഗവൺമെൻറ് ബോയ്സ് ഹയർ സെക്കൻഡറി സ്കൂൾ പെരുമ്പാവൂർ

അങ്കമാലി – ബ്ലോക്ക് ഡെവലപ്മെൻറ് ഓഫീസ് അങ്കമാലി

ആലുവ – താലൂക്ക് ഓഫീസ് ആലുവ

കളമശ്ശേരി- വില്ലേജ് ഓഫീസ് തൃക്കാക്കര നോർത്ത് പത്തടിപ്പാലം

പറവൂർ – ഗവൺമെൻറ് ബോയ്സ് ഹയർസെക്കൻഡറി സ്കൂൾ പറവൂർ

വൈപ്പിൻ – ബ്ലോക്ക് ഓഫീസ് കുഴുപ്പിള്ളി

കൊച്ചി – ഔവർ ലേഡി സി ജി എച്ച് എസ് തോപ്പുംപടി

തൃപ്പൂണിത്തുറ – ഗവൺമെൻറ് ബോയ്സ് ഹൈസ്കൂൾ തൃപ്പൂണിത്തുറ

എറണാകുളം- എസ് ആർ വി എൽ പി എസ് എറണാകുളം

തൃക്കാക്കര – പാപ്പാലി മെമ്മോറിയൽ സ്റ്റേജ് അയ്യനാട് എൽപിഎസ് അയ്യനാട്

കുന്നത്തുനാട് – ബ്ലോക്ക് ഇൻഫർമേഷൻ സെൻ്റർ വടവുകോട് ബ്ലോക്ക് പഞ്ചായത്ത്

പിറവം – എം കെ എം എച്ച് എസ് എസ് പിറവം

മൂവാറ്റുപുഴ – നിർമ്മല ഹയർ സെക്കൻഡറി സ്കൂൾ മൂവാറ്റുപുഴ

കോതമംഗലം – ഡിവിഷണൽ ഫോറസ്റ്റ് ഓഫീസ് കോതമംഗലം    
    

അഭിപ്രായങ്ങൾ രേഖപ്പെടുത്തുന്നവർ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പര്‍ധ വളര്‍ത്തുന്നതുമായ പരാമർശങ്ങളും വ്യക്തിപരമായ അധിക്ഷേപങ്ങളും ഒഴിവാക്കുക. ഇത്തരം അഭിപ്രായങ്ങൾ സൈബർ നിയമപ്രകാരം ശിക്ഷാർഹം ആണ്. വായനക്കാരുടെ അഭിപ്രയങ്ങളിൽ വിശേഷത്തിനു യാതൊരുവിധ ഉത്തരവാദിത്തവും ഉണ്ടായിരിക്കുന്നതല്ല. ദയവായി നിങ്ങളുടെ അഭിപ്രായങ്ങൾ മലയാളത്തിലോ ഇംഗ്ലീഷിലോ മാത്രം രേഖപ്പെടുത്തുക. മംഗ്ലീഷ് ഒഴിവാക്കുക.