അമേരിക്കയ്ക്ക് സമ്പുഷ്ടീകരിച്ച യുറേനിയം കൈമാറാൻ ഇറാൻ സമ്മതിച്ചുവെന്ന ഡോണൾഡ് ട്രംപിന്റെ അവകാശവാദം ഇറാൻ തള്ളി.
ഇത്തരത്തിലുള്ള ധാരണയോ ചർച്ചയോ ഉണ്ടായിട്ടില്ലെന്ന് ഇറാനിയൻ വൃത്തങ്ങളെ ഉദ്ധരിച്ച് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു.
വൈറ്റ് ഹൗസിൽ മാധ്യമപ്രവർത്തകരോട് സംസാരിക്കവെയാണ് ട്രംപ് ഈ അവകാശവാദം ഉന്നയിച്ചത്. എന്നാൽ ഇത് പൂർണമായും തെറ്റാണെന്നും യാതൊരു തരത്തിലുള്ള ചർച്ചയും നടന്നിട്ടില്ലെന്നുമാണ് ഇറാൻ വ്യക്തമാക്കുന്നത്. ഇറാനിയൻ പാർലമെന്റ് സ്പീക്കർ Mohammad Bagher Ghalibafന്റെ അടുത്ത വൃത്തങ്ങളും ഇതേ നിലപാട് ആവർത്തിച്ചു.
ട്രംപ് പറഞ്ഞതുപോലെ ചർച്ചകളിൽ പുരോഗതി ഉണ്ടായിട്ടില്ലെന്നും ഇറാൻ മുന്നോട്ടുവെച്ച വ്യവസ്ഥകൾ പാലിക്കുന്നതിനെ ആശ്രയിച്ചായിരിക്കും തുടർ നടപടികളെന്നും റിപ്പോർട്ടുകൾ സൂചിപ്പിക്കുന്നു. അമേരിക്കയിലേക്ക് ആണവ സാമഗ്രികൾ കൈമാറുന്നതുമായി ബന്ധപ്പെട്ട് യാതൊരു ചര്ച്ചയും നടന്നിട്ടില്ലെന്നാണ് ഇറാന്റെ നിലപാട്.
ഇതിന് മുൻപ്, ആണവായുധ പദ്ധതി ഉപേക്ഷിക്കുക, ആണവ സാമഗ്രികൾ കൈമാറുക, കൂടാതെ Strait of Hormuz തുറക്കുക തുടങ്ങിയ വ്യവസ്ഥകൾ കരാറിൽ ഉൾപ്പെടുമെന്ന് ട്രംപ് അവകാശപ്പെട്ടിരുന്നു. സമാധാന കരാർ യാഥാർഥ്യമായാൽ Islamabadയിൽ ഒപ്പിടാൻ സാധ്യതയുണ്ടെന്നും അദ്ദേഹം സൂചിപ്പിച്ചു.
ഇതിനിടെ, സമാധാന ചർച്ചകളുടെ അടുത്ത ഘട്ടം എപ്പോൾ നടക്കുമെന്ന കാര്യത്തിൽ ഇനിയും വ്യക്തത വന്നിട്ടില്ല. ചര്ച്ചകള് പുനരാരംഭിക്കുന്നതിനെ കുറിച്ച് തീരുമാനമെടുത്തിട്ടില്ലെന്ന് വൈറ്റ് ഹൗസും വ്യക്തമാക്കിയിട്ടുണ്ട്. ഹോർമുസ് കടലിടുക്കിൽ സംഘർഷം വർധിച്ച സാഹചര്യത്തിൽ വെടിനിർത്തൽ നീട്ടാനും ദീർഘകാല സമാധാന കരാറിലേക്കുള്ള നീക്കങ്ങൾ ശക്തമാക്കാനും സാധ്യതയുണ്ടെന്നാണ് വിലയിരുത്തൽ.
LatestNews #us #iran #Hormuz
About The Author
