വീട്ടില് വോട്ട് : കാസറഗോഡ് മണ്ഡലത്തിലെ വിവിധസ്ഥലങ്ങൾ ജില്ലാ കളക്ടർ സന്ദർശനം നടത്തി
വോട്ടെടുപ്പ് ഉദ്യോഗസ്ഥര് വീട്ടിലെത്തി സമ്മതിദായകര് വോട്ട് രേഖപ്പെടുത്തുന്ന ‘വീട്ടിലെ വോട്ട് ‘സേവനം പുരോഗമിക്കുന്നു. ഏപ്രിൽ 4 ന് പൂർത്തിയാകും. രണ്ട് പോളിങ് ഉദ്യോഗസ്ഥര്, ഒരു മൈക്രോ ഒബ്സര്വര്, വീഡിയോഗ്രാഫര്, പൊലീസ് ഉദ്യോഗസ്ഥന്, ബൂത്ത് ലെവല് ഓഫീസര് എന്നിവരടങ്ങുന്ന സംഘമാണ് വീട്ടില് വോട്ടിന്റെ പ്രവര്ത്തനങ്ങളുടെ ഭാഗമായി വീടുകളിലെത്തുന്നത്. റാന്ഡമൈസേഷന് നടത്തിയാണ് പോളിംഗ് ഉദ്യോഗസ്ഥരെ തെരഞ്ഞെടുത്തത്. ഇതിനായി കാഞ്ഞങ്ങാടും തൃക്കരിപ്പൂരും 30 വീതവും ഉദുമയില് 28 ഉം, കാസര്കോട് , മഞ്ചേശ്വരം മണ്ഡലങ്ങളില് 17 വീതവും പോളിങ് സംഘങ്ങളെയാണ് നിയോഗിച്ചത്. 85 വയസ്സ് കഴിഞ്ഞ 3281 പേര്ക്കും ഭിന്നശേഷിക്കാരായ 3529 പേര്ക്കുമാണ് ജില്ലയില് വീട്ടില് വോട്ട് അനുവദിച്ചത്.
About The Author
