കുറഞ്ഞ പലിശക്ക്​ പണം നൽകാമെന്ന്​ കബളിപ്പിച്ച്​ പണം തട്ടൽ; സിനിമ നിർമാതാവ്​ അറസ്​റ്റിൽ

2021-08-02 16:41:21

    
    ന്യൂഡൽഹി: കുറഞ്ഞ പലിശക്ക്​ വായ്​പ നൽകാമെന്ന്​ കബളിപ്പിച്ച്​ നിരവധി ബിസിനസുകാരെ പറ്റിച്ച സിനിമ നിർമാതാവ്​ അറസ്​റ്റിൽ. ഡൽഹി ആസ്​ഥാനമായ ബിസിനസുകാരനെ കബളിപ്പിച്ച്​ 32 ലക്ഷം തട്ടിയ കേസിലാണ്​ അറസ്​റ്റ്​. ഓവർടൈം, ബദാഷ്​, ലവ്​ ഫിർ കഭി, രൻ ബങ്ക, സസ്​പെൻസ്​ ആൻഡ്​ സാക്ഷി തുടങ്ങിയ ചിത്രങ്ങൾ നിർമിച്ച 55കാരനായ അജയ്​ യാദവാണ്​​ അറസ്​റ്റിലായത്​.

2015മുതൽ ഒളിവിലാണ്​ ഇയാൾ. ഞായറാഴ്​ച മുംബൈ, ഡൽഹി, മധ്യപ്രദേശ്​, ഉത്തർപ്രദേശ്​ എന്നിവിടങ്ങളിൽ നടത്തിയ പരിശോധനക്ക്​ ശേഷം മഥുരയിൽനിന്നാണ്​ ഇയാളെ ഡൽഹി പൊലീസി​െൻറ ക്രൈം ബ്രാഞ്ച്​ യൂനിറ്റ്​​ അറസ്​റ്റ്​ ചെയ്​തത്​.

വാടകവീട്ടിൽ താമസിച്ച്​ വന്നിരുന്ന ഇയാൾ സഞ്​ജയ്​ അഗർവാൾ, രാകേഷ്​ ശർമ, വികാഷ്​ കുമാർ, ഗുഡ്ഡു, രാമൻ, അവിനാശ്​ തുടങ്ങിയ പേരുകളിലാണ്​ ബിസിനസുകാരെ പരിചയപ്പെടുത്തി പണം തട്ടിയിരുന്നത്​.

​ബിസിനസുകാർക്ക്​ വ്യാജ ഡിമാൻഡ്​ ഡ്രാഫ്​റ്റ്​ നൽകി കബളിക്കുകയും ചെയ്​തിരുന്നു. സിനിമ മേഖലയിലെ ഉന്നതരുമായുള്ള ബന്ധം ഉപയോഗിച്ചാണ്​ ഇയാൾ ബിസിനസുകാരെ വിശ്വാസത്തിലെടുത്തിരുന്നത്​.

ഡൽഹിയിലെ ബിസിനസുകാരനായ രാഹുൽ നാഥി​െൻറ പരാതിയിലാണ്​ ഇ​േപ്പാൾ അറസ്​റ്റ്​. ബിസിനസ്​ വിപുലീകരണത്തിനായി 65കോടി രൂപ വായ്​പക്കായാണ്​ രാഹുൽ അജയ്​ യാദവി​െന സമീപിച്ചത്​. പത്രത്തിലെ പരസ്യം കണ്ടിട്ടാണ്​ രാഹുൽ ഇയാളുമായി ബന്ധപ്പെട്ടത്​. തുടർന്ന്​ സെറീൻ ഫിലിംസി​െൻറ സംവിധായകനാണെന്ന്​ അജയ്​ രാഹുലി​െന പരിചയപ്പെടുത്തുകയും ചെയ്​തു. തുടർന്ന്​ 65 കോടി രൂപ 10 വർഷത്തേക്ക്​ വായ്​പ നൽകാ​മെന്നും 10 ശതമാനം പലിശ നൽകിയാൽ മതിയെന്നും വിശ്വസിപ്പിച്ചു.

പിന്നീട്​ പ്രതി പരാതിക്കാരൻറെ സ്വത്ത്​ വകകൾ പരി​ശോധിച്ച്​ ഉറപ്പാക്കിയശേഷം നിശ്ചിത തുക നിക്ഷേപമായി നൽകണമെന്നും ആവശ്യപ്പെട്ടു. രാഹുൽ പണം നൽകിയതിന്​ ശേഷം അജയ്​ യാദവ്​ മൊബൈൽ ഫോൺ ഓഫ്​ ചെയ്യുകയായിരുന്നു. അജയ്​ നൽകിയിരുന്ന വിലാസവുമായി ബന്ധപ്പെട്ടപ്പോൾ വ്യാജമാണെന്ന്​ കണ്ടെത്തുകയും ചെയ്​തു.

തട്ടിയെടുത്ത ലക്ഷങ്ങൾ അജയ്​ സിനിമ നിർമാണത്തിനായാണ്​ മുടക്കിയിരുന്നത്​. ചിത്രങ്ങൾ വിജയമാകാതിരുന്നതോടെ വൻ കടബാധ്യതയുമായിരുന്നു.                                                                                                        തീയ്യതി 02/08/2021

ജോബ് വാർത്തകൾ വാർത്തകൾ വേഗം ലഭിക്കാൻ ഗ്രൂപ്പിൽ അംഗം ആകുക.

അഭിപ്രായങ്ങൾ രേഖപ്പെടുത്തുന്നവർ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പര്‍ധ വളര്‍ത്തുന്നതുമായ പരാമർശങ്ങളും വ്യക്തിപരമായ അധിക്ഷേപങ്ങളും ഒഴിവാക്കുക. ഇത്തരം അഭിപ്രായങ്ങൾ സൈബർ നിയമപ്രകാരം ശിക്ഷാർഹം ആണ്. വായനക്കാരുടെ അഭിപ്രയങ്ങളിൽ വിശേഷത്തിനു യാതൊരുവിധ ഉത്തരവാദിത്തവും ഉണ്ടായിരിക്കുന്നതല്ല. ദയവായി നിങ്ങളുടെ അഭിപ്രായങ്ങൾ മലയാളത്തിലോ ഇംഗ്ലീഷിലോ മാത്രം രേഖപ്പെടുത്തുക. മംഗ്ലീഷ് ഒഴിവാക്കുക.