സോക്‌സിനുള്ളില്‍ ഒളിപ്പിച്ച്‌ കടത്താൻ ശ്രമിച്ച സ്വര്‍ണവുമായി കാസർകോട് സ്വദേശി അറസ്റ്റില്‍

2021-08-31 15:51:24

    
    കണ്ണൂര്‍: സോക്‌സിനകത്തു ഒളിപ്പിച്ച്‌ കൊണ്ടുവന്ന 60 ലക്ഷം രൂപവിലവരുന്ന 1225 ഗ്രാം സ്വര്‍ണ്ണവുമായി മൊഗ്രാല്‍ പുത്തൂര്‍ സ്വദേശി കണ്ണൂര്‍ വിമാനത്താവളത്തില്‍ അറസ്റ്റില്‍. മുഹമ്മദ്‌ ഖമറുദ്ദീന്‍ (31) ആണ്‌ അറസ്റ്റിലായത്‌. ഇന്നലെ അര്‍ധരാത്രി ഷാര്‍ജയില്‍ നിന്നും എത്തിയ വിമാനത്തിലെ യാത്രക്കാരന്‍ ആയിരുന്നു. യുവാവിന്റെ നടത്തത്തില്‍ സംശയം തോന്നി കസ്റ്റംസ്‌ ഉദ്യോഗസ്ഥരായ മുഹമ്മദ്‌ ഫൈസ്‌, സുകുമാരന്‍ കെ മാധവന്‍, സിവി, ഇന്‍സ്‌പെക്‌ടര്‍മാരായ അശോക്‌ കുമാര്‍, ഹബീബ്‌, നിഖില്‍, ജുബാര്‍ഖാന്‍, മനീഷ്‌ കുമാര്‍, സന്ദീപ്‌ കുമാര്‍, സൂരജ്‌ ഗുപ്‌ത എന്നിവര്‍ വിശദമായി പരിശോധിച്ചപ്പോഴാണ്‌ സോക്‌സിനു അകത്ത്‌ സ്വര്‍ണ്ണം കണ്ടെത്തിയത്‌. തകിടുരൂപത്തിലാക്കിയാണ്‌ സ്വര്‍ണ്ണം സോക്‌സിനുള്ളില്‍ ഒളിപ്പിച്ചതെന്നു കസ്റ്റംസ്‌ അധികൃതര്‍ പറഞ്ഞു.                                                                                                         

തീയ്യതി 31/08/2021                                                                                                                                                                       വാർത്തകൾ തൊഴിൽ വാർത്തകൾ വേഗം ലഭിക്കാൻ ഗ്രൂപ്പിൽ അംഗം ആകുക.

അഭിപ്രായങ്ങൾ രേഖപ്പെടുത്തുന്നവർ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പര്‍ധ വളര്‍ത്തുന്നതുമായ പരാമർശങ്ങളും വ്യക്തിപരമായ അധിക്ഷേപങ്ങളും ഒഴിവാക്കുക. ഇത്തരം അഭിപ്രായങ്ങൾ സൈബർ നിയമപ്രകാരം ശിക്ഷാർഹം ആണ്. വായനക്കാരുടെ അഭിപ്രയങ്ങളിൽ വിശേഷത്തിനു യാതൊരുവിധ ഉത്തരവാദിത്തവും ഉണ്ടായിരിക്കുന്നതല്ല. ദയവായി നിങ്ങളുടെ അഭിപ്രായങ്ങൾ മലയാളത്തിലോ ഇംഗ്ലീഷിലോ മാത്രം രേഖപ്പെടുത്തുക. മംഗ്ലീഷ് ഒഴിവാക്കുക.