രാജ്യത്ത് എവിടെയും ഇന്റര്‍നെറ്റ് ഇല്ലാതെ ഡിജിറ്റല്‍ പേയ്മെന്റുകള് നടത്താം! ഔപചാരിക സംവിധാനം പുറത്തിറക്കാനൊരുങ്ങി ആര്‍ബിഐ
2021-10-08 17:48:23
ഡല്‍ഹി: രാജ്യമെമ്ബാടും ഉടന്‍ ഓഫ്‌ലൈന്‍ പേയ്‌മെന്റ് സംവിധാനങ്ങള്‍ ലഭ്യമാക്കുമെന്ന് പ്രഖ്യാപിച്ച്‌ റിസര്‍വ് ബാങ്ക് ഓഫ് ഇന്ത്യ (ആര്‍ബിഐ) .UPI, IMPS, RTGS മുതലായ ഓണ്‍ലൈന്‍ ഡിജിറ്റല്‍ മോഡുകള്‍ ഉപയോഗിച്ച്‌ പേയ്മെന്റുകള് നടത്താന്‍ ഇന്റര്‍നെറ്റ് കണക്റ്റിവിറ്റി പ്രശ്നങ്ങള്‍ നേരിടുന്ന ഉപഭോക്താക്കള്‍ക്ക് പ്രഖ്യാപനം അനുസരിച്ച്‌ ഓഫ്‌ലൈന്‍ പേയ്‌മെന്റ് സംവിധാനം ഉപയോഗിച്ച്‌ പേയ്‌മെന്റ് നടത്താന്‍ സാധിക്കും.
ഇന്റര്‍നെറ്റ് കണക്റ്റിവിറ്റി കുറവുള്ള / ലഭ്യമല്ലാത്ത (ഓഫ്‌ലൈന്‍ മോഡ്) സാഹചര്യങ്ങളില്‍ പോലും ഡിജിറ്റല്‍ പേയ്മെന്റുകള് സാധ്യമാക്കുന്ന നൂതന സാങ്കേതികവിദ്യയുടെ പൈലറ്റ് ടെസ്റ്റുകള്‍ നടത്താനുള്ള പദ്ധതികള്‍ പ്രഖ്യാപിച്ചിരുന്നു.
2020 സെപ്റ്റംബര്‍ മുതല്‍ 2021 ജൂണ്‍ വരെയുള്ള കാലയളവില്‍ രാജ്യത്തിന്റെ വിവിധ ഭാഗങ്ങളില്‍ പദ്ധതി വിജയകരമായി നടത്തി. അത്തരം പദ്ധതികള്‍ വിദൂര പ്രദേശങ്ങളില്‍ അവതരിപ്പിക്കാന്‍ സാധ്യതയുണ്ടെന്ന് പഠനങ്ങള്‍ സൂചിപ്പിക്കുന്നു.
രാജ്യത്തുടനീളം ഓഫ്‌ലൈന്‍ മോഡില്‍ റീട്ടെയില്‍ ഡിജിറ്റല്‍ പേയ്മെന്റുകള് നടത്തുന്നതിനുള്ള ഒരു ചട്ടക്കൂട് അവതരിപ്പിക്കാനാണ് ആര്‍ബിഐ ഒരുങ്ങുന്നത്‌. വിശദമായ മാര്‍ഗ്ഗനിര്‍ദ്ദേശങ്ങള്‍ യഥാസമയം നല്‍കും. '
ഓഫ്‌ലൈന്‍ മോഡില്‍ ചെറിയ മൂല്യമുള്ള റീട്ടെയില്‍ ഇടപാടുകള്‍ക്കുള്ള പൈലറ്റ് സ്കീം കാര്‍ഡുകളും മൊബൈല്‍ വാലറ്റുകളും ഉപയോഗിച്ചാണ് നടത്തിയത്. പൈലറ്റ് സ്കീം മാര്‍ഗ്ഗനിര്‍ദ്ദേശങ്ങള്‍ അനുസരിച്ച്‌, ഒരു പേയ്‌മെന്റ് ഇടപാടിന്റെ ഉയര്‍ന്ന പരിധി 200 രൂപയും ഓഫ്‌ലൈന്‍ ഇടപാടുകളുടെ ആകെ പരിധി 2,000 രൂപയുമാണ്. തീയ്യതി 08/10/2021 വാർത്തകൾ തൊഴിൽ വാർത്തകൾ വേഗം ലഭിക്കാൻ ഗ്രൂപ്പിൽ അംഗം ആകുക.
