കാര്‍ തകര്‍ത്ത കേസില്‍ പ്രതി ജോസഫിന് ജാമ്യം നല്‍കരുതെന്ന് ജോജു ജോര്‍ജ്

2021-11-05 17:17:51

    
    കൊച്ചി: കോണ്‍ഗ്രസ് ഉപരോധത്തിനിടെ കാര്‍ തകര്‍ത്ത കേസില്‍ പ്രതി ജോസഫിന് ജാമ്യം നല്‍കരുതെന്ന് ജോജു ജോര്‍ജ്.

കാറിന്‍റെ ഡോര്‍ സമരക്കാര്‍ ബലമായി തുറക്കുകയായിരുന്നു. ഇവര്‍ തന്നെ ചീത്ത വിളിക്കുകയും അസഭ്യം പറയുകയും ചെയ്തു. തന്‍റെ കാറിന് ആറ് ലക്ഷം രൂപയുടെ കേടുപാടുകളാണ് പ്രതികള്‍ വരുത്തിയത്. തെറ്റായ ആരോപണം ഉന്നയിച്ച പ്രതിക്ക് ജാമ്യം നല്‍കരുതെന്ന ജോജു ഉന്നയിച്ചു.

പ്രോസിക്യൂഷനും പ്രതിക്ക് ജാമ്യം നല്‍കുന്നതിനെ എതിര്‍ത്തു. എന്നാല്‍ കോസില്‍ ജോജു കക്ഷി ചേരേണ്ടതില്ലെന്ന അഭിപ്രായമാണ് പ്രോസിക്യൂഷന്‍ ഉന്നയിച്ചത്. നേരത്തേ അപേക്ഷ സമര്‍പ്പിച്ചതിന് ശേഷമാണ് ഉപരോധം നടത്തിയതെന്ന് പ്രതി പറഞ്ഞു.

അ​റ​സ്റ്റി​ലാ​യ കോ​ണ്‍​ഗ്ര​സ് പ്ര​വ​ര്‍​ത്ത​ക​ന്‍ ജോ​സ​ഫി​ന്‍റെ ജാ​മ്യാ​പേ​ക്ഷ​യി​ല്‍ ക​ക്ഷി ചേ​രാ​ന്‍ ഇന്ന് രാവിലെയാണ് ജോ​ജു കോ​ട​തി​യി​ല്‍ അ​പേ​ക്ഷ സ​മ​ര്‍​പ്പി​ച്ചത്.

വി.ഡി. സതീശന്‍, ഹൈബി ഈഡന്‍ എന്നിവര്‍ മുന്‍കൈയെടുത്ത് ന​ട​ത്തി​യ സ​മ​വാ​യ ച​ര്‍​ച്ച വി​ജ​യി​ച്ചു​വെ​ന്നും കേ​സ് പി​ന്‍​വ​ലി​ക്കാ​ന്‍ ജോ​ജു ത​യാ​റാ​ണെ​ന്നുമായിരുന്നു പുറത്തുവന്ന റിപ്പോര്‍ട്ടുകള്‍. എന്നാല്‍ ഇതേക്കുറിച്ച്‌ ജോജു പ്രതികരിച്ചിരുന്നില്ല. കേ​സി​ല്‍ ജോ​സ​ഫി​നെ കൂ​ടാ​തെ അ​ഞ്ച് പേ​ര്‍ കൂ​ടി അ​റ​സ്റ്റി​ലാ​യെ​ങ്കി​ലും ഇ​വ​രെ ജാ​മ്യ​ത്തി​ല്‍ വി​ട്ടി​രു​ന്നു.

ജോ​ജു​വി​ന്‍റെ പ​രാ​തി​യി​ല്‍ വാ​ഹ​നം ത​ക​ര്‍​ത്ത സം​ഭ​വ​ത്തി​ല്‍ കൊ​ച്ചി മു​ന്‍ മേ​യ​ര്‍ ടോ​ണി ച​മ്മ​ണി ഉ​ള്‍​പ്പെ​ടെ​യു​ള്ള കോ​ണ്‍​ഗ്ര​സ് നേ​താ​ക്ക​ള്‍​ക്കെ​തി​രേ​യാ​ണ് കേ​സെ​ടു​ത്തി​രി​ക്കു​ന്ന​ത്. ടോ​ണി ച​മ്മ​ണി ഉ​ള്‍​പ്പെ​ടെ​യു​ള്ള​വ​ര്‍ ഒ​ളി​വി​ലാ​ണെ​ന്ന് മ​ര​ട് പോ​ലീ​സ് അ​റി​യി​ച്ചു. റോ​ഡ് ഉ​പ​രോ​ധി​ച്ച​തി​നും ജോ​ജു​വി​ന്‍റെ വാ​ഹ​നം ത​ക​ര്‍​ത്ത​തി​നും ര​ണ്ടു കേ​സു​ക​ളാ​ണ് മ​ര​ട് പോ​ലീ​സ് ര​ജി​സ്റ്റ​ര്‍ ചെ​യ്തി​രി​ക്കു​ന്ന​ത്.

വഴി തടയല്‍ സമരവുമായി ബന്ധപ്പെട്ട് 30 പേര്‍ക്കെതിരെയും വാഹനം തല്ലിതകര്‍ത്ത് ആക്രമിക്കാന്‍ ശ്രമിച്ചെന്ന ജോജുവിന്റെ പരാതിയില്‍ എട്ട് പേര്‍ക്കെതിരെയുമാണ് ജാമ്യമില്ലാ വകുപ്പ് പ്രകാരം കേസെടുത്തിരിക്കുന്നത്. സമവായത്തിന് ജോജു തയാറായില്ലെങ്കില്‍ കൂടുതല്‍ അറസ്റ്റ് ഉണ്ടായേക്കും.                     05/11/2021                                                                                                                                                                       വാർത്തകൾ തൊഴിൽ വാർത്തകൾ വേഗം ലഭിക്കാൻ ഗ്രൂപ്പിൽ അംഗം ആകുക.

അഭിപ്രായങ്ങൾ രേഖപ്പെടുത്തുന്നവർ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പര്‍ധ വളര്‍ത്തുന്നതുമായ പരാമർശങ്ങളും വ്യക്തിപരമായ അധിക്ഷേപങ്ങളും ഒഴിവാക്കുക. ഇത്തരം അഭിപ്രായങ്ങൾ സൈബർ നിയമപ്രകാരം ശിക്ഷാർഹം ആണ്. വായനക്കാരുടെ അഭിപ്രയങ്ങളിൽ വിശേഷത്തിനു യാതൊരുവിധ ഉത്തരവാദിത്തവും ഉണ്ടായിരിക്കുന്നതല്ല. ദയവായി നിങ്ങളുടെ അഭിപ്രായങ്ങൾ മലയാളത്തിലോ ഇംഗ്ലീഷിലോ മാത്രം രേഖപ്പെടുത്തുക. മംഗ്ലീഷ് ഒഴിവാക്കുക.