ഹൈദരാബാദ് കൂട്ടബലാത്സംഗം: ടിആര്‍എസ് നേതാവിന്റെ മകന്‍ അറസ്റ്റില്‍, മൂന്നു പേര്‍ പ്രായപൂര്‍ത്തിയാവാത്തവര്‍

2022-06-04 17:25:19


ഹൈദരാബാദ്: കാറിനുള്ളില്‍ 17കാരി കൂട്ടബലാത്സംഗത്തിന് ഇരയായ സംഭവത്തല്‍ ടിആര്‍എസ് നേതാവിന്റെ മകന്‍ അറസ്റ്റില്‍.

സദുദ്ദീന്‍ മാലിക്ക്(18) ആണ് അറസ്റ്റിലായത്. അഞ്ചുപേരെ തിരിച്ചറിഞ്ഞതായി പോലിസ് പറഞ്ഞു. പ്രതികളില്‍ മൂന്നുപേര്‍ പ്രായപൂര്‍ത്തിയാവാത്തവരാണ്.

പ്രതികളില്‍ ടിആര്‍എസ് നേതാവിന്റെ മകന്‍ ഉള്‍പ്പെട്ടിട്ടുണ്ടെന്ന ആരോപണം വന്നതോടെ വലിയ പ്രതിഷേധമുയര്‍ന്നിരുന്നു. തുടര്‍ന്ന് ബിജെപിയടക്കം ഇത് വലിയ രാഷ്ട്രീയ ആയുധമാക്കിയതോടെയാണ് പോലിസ് അറസ്റ്റിലേക്ക് കടന്നത്. പ്രതികളെ കുറിച്ച്‌ ഇരയായ പെണ്‍കുട്ടിയില്‍ നിന്ന് കാര്യമായ വിവരങ്ങള്‍ ശേഖരിക്കാന്‍ കഴിഞ്ഞിട്ടില്ലെന്നും ഒരാളുടെ പേര് മാത്രമാണ് വെളിപ്പെടുത്തിയതെന്നും പോലിസ് പറഞ്ഞു.

കഴിഞ്ഞയാഴ്ചയായിരുന്നു കോളജ് ആഘോഷത്തിന് ശേഷം വീട്ടിലേക്ക് തിരിച്ച്‌ പോകവേ പെണ്‍കുട്ടി ഇന്നോവ കാറില്‍ വെച്ച്‌ പീഡിപ്പിക്കപ്പെട്ടത്. ലിഫ്റ്റ് നല്‍കാമെന്ന് പറഞ്ഞ് കാറില്‍ കയറ്റിയ പെണ്‍കുട്ടിയെ ജൂബിലി ഹില്‍സിലെ ആളൊഴിഞ്ഞ സ്ഥലത്തെത്തി പീഡിപ്പിക്കുകയായിരുന്നു. സിസിടിവി. ദൃശ്യത്തില്‍ നിന്ന് പ്രതികളെന്ന് കരുതുന്ന നാലുപേരുടെയടുത്ത് പെണ്‍കുട്ടി നില്‍ക്കുന്നത് വ്യക്തമാവുന്നുണ്ട്.                                                                        04/06/2022                                                                                                                                                                       വാർത്തകൾ തൊഴിൽ വാർത്തകൾ വേഗം ലഭിക്കാൻ ഗ്രൂപ്പിൽ അംഗം ആകുക.

അഭിപ്രായങ്ങൾ രേഖപ്പെടുത്തുന്നവർ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പര്‍ധ വളര്‍ത്തുന്നതുമായ പരാമർശങ്ങളും വ്യക്തിപരമായ അധിക്ഷേപങ്ങളും ഒഴിവാക്കുക. ഇത്തരം അഭിപ്രായങ്ങൾ സൈബർ നിയമപ്രകാരം ശിക്ഷാർഹം ആണ്. വായനക്കാരുടെ അഭിപ്രയങ്ങളിൽ വിശേഷത്തിനു യാതൊരുവിധ ഉത്തരവാദിത്തവും ഉണ്ടായിരിക്കുന്നതല്ല. ദയവായി നിങ്ങളുടെ അഭിപ്രായങ്ങൾ മലയാളത്തിലോ ഇംഗ്ലീഷിലോ മാത്രം രേഖപ്പെടുത്തുക. മംഗ്ലീഷ് ഒഴിവാക്കുക.